Japonskaja marka Lexus uznačaliła rejtynh nadziejnaści aŭtamabilaŭ pavodle viersii amierykanskaha časopisa Consumer Reports, skinuŭšy letašniaha lidara Toyota na druhoje miesca. Najbolš nadziejnaj madellu nazvany Lexus GS. Ab hetym paviedamlajecca na sajcie vydańnia.
Treciaj pa nadziejnaści markaj aŭtamabila nazvana Mazda, jakaja padniałasia na dzieviać pazicyj u suviazi sa stanoŭčymi vodhukami uładalnikaŭ na vialiki krasovier CX-9, a taksama rodster MX-5, jaki pryznany najlepšaj madellu marki. Na čaćviortym miescy apynułasia jašče adna japonskaja marka — Subaru. Zamykaje piaciorku lidaraŭ paŭdniovakarejskaja kampanija Kia, jakaja straciła za apošni hod dźvie pazicyi ŭ śpisie.
Najlepšym jeŭrapiejskim brendam stała kampanija Audi, jakaja raźmiaściłasia na siomym miescy śpisa samych nadziejnych aŭtamabilaŭ, sastupiŭšy Infiniti šostaje miesca. U dziasiatku taksama ŭvajšli niamieckaja kampanija BMW (8 miesca), brytanskaja Mini (9 miesca) i paŭdniovakarejskaja Hyundai, jakaja nie straciła svaich pazicyj za hod.
Rejtynh składaŭsia na asnovie apytańnia 500 tysiač aŭtaŭładalnikaŭ za 2017 hod.
