Hanna Krasulina, fota Voli Aficeravaj
Zajava pres-sakratara AHP Hanny Krasulinaj pakul nie pastupiła ŭ pasolstva Rasii ŭ Biełarusi. Ale ŭ pasolstvie TUT.BY zapeŭnili, što jana budzie razhledžana.
Zajavu «ab parušeńni pravoŭ hramadzian Rasijskaj Fiederacyi» pres-sakratar Abjadnanaj hramadzianskaj partyi Hanna Krasulina adpraviła ŭ pasolstva Rasii zakaznym listom napiaredadni. U im jana infarmuje pasolstva pra parušeńnie jaje pravoŭ i intaresaŭ, a taksama intaresaŭ jaje baćkoŭ.
— Adpaviedny zvarot ad hramadzianki Krasulinaj u Pasolstva Rasii jašče nie pastupaŭ. Tym nie mienš konsulskaja słužba ŭ adpaviednaści sa svaimi funkcyjami i zadačami prymie ŭsie nieabchodnyja ŭ dadzienym vypadku miery dla zabieśpiačeńnia i abarony pravoŭ hramadzian Rasijskaj Fiederacyi, — skazaŭ TUT.BY pres-sakratar rasiejskaj dypmisii Alaksiej Maskaloŭ.
Nahadajem, 13 listapada Hannu Krasulinu vyklikali ŭ RUUS Maskoŭskaha rajona Minska, dzie ŭručyli apaviaščeńnie ab vysyłcy ź Biełarusi terminam na adzin hod. Pakinuć krainu jana pavinna da 30 listapada 2018 hoda. Pryčyna vysyłki ŭ tym, što Krasulina nieadnarazova — trojčy — pryciahvałasia da administracyjnaj adkaznaści, ź ich dvojčy — za ŭdzieł u niesankcyjanavanych masavych mierapryjemstvach, adzin raz — za nieapłačany ŭ aŭtobusie prajezd. Usie štrafy aktyvistka pahasiła, ale ŭ paviedamleńni było skazana: «Vysłać u intaresach hramadskaj biaśpieki».
Krasulina, majučy hramadzianstva Rasii, pastajanna pražyvaje ŭ Biełarusi z 2002 hoda z mužam, synam i dačkoj. Baćki aktyvistki — niepracazdolnyja piensijaniery — taksama hramadzianie Rasii, ale z 2006 hoda žyvuć u Biełarusi.
Hanna Krasulina, jakuju vysyłajuć z krainy: Maje dzieci — biełarusy. I heta najlepšy dokaz majoj biełaruskaści
