Biełaruś i Jeŭrasajuz realna nablizilisia da mahčymaści padpisańnia pahadnieńniaŭ ab readmisii i palahčeńni vizavych farmalnaściej. Pra heta siońnia na adkryćci XVI Minskaha forumu zajaviŭ namieśnik ministra zamiežnych spraŭ Biełarusi Aleh Kraŭčanka, pieradaje BiełTA.
Kraŭčanka adznačyŭ, što Biełaruś zacikaŭlenaja ŭ partniorstvie ź ES, ale členstva Biełarusi ŭ ES «nie stavicca pierśpiektyvaj», piša tut.by.
Što da spraščeńnia vizavaha režymu, dyk namieśnik ministra spadziajecca, «što hety pakiet nie patrapić u takuju ž situacyju, jakaja, na žal, na dadzieny momant skłałasia ŭ dačynieńni prajekta pahadnieńnia ab pryjarytetach partniorstva».
Akramia taho, u MZS ličać, što Uschodniaje partniorstva pavinna ŭmacoŭvać supracoŭnictva i davier u rehijonie, a vyniki inicyjatyvy pavinny być bačnyja, vyhadnyja i zrazumiełyja hramadzianam krain-partnioraŭ i členaŭ ES.
— Za 10 hadoŭ isnavańnia Uschodniaha partniorstva možna było zrabić bolš. Tamu my ŭsie pavinny vyrašyć, ci patrebnyja nastupnyja 10 hadoŭ. My ličym, što patrebnyja i prapanujem padumać, čaho my pavinny dasiahnuć, vykarystoŭvajučy hety instrumient, da 2030 hoda, - skazaŭ Kraŭčanka.
