Z 1 studzienia 2019 hoda vyrastuć taryfy na žyllova-kamunalnyja pasłuhi dla nasielnictva. Adpaviedny ŭkaz Alaksandr Łukašenka padpisaŭ 22 śniežnia.
Pa novych taryfach kamunałka dla siamji z troch žycharoŭ u dvuchpakajoŭcy vyraście na $5 (10,6 rubla).
Taryfy buduć pavyšacca ŭ dva etapy. Z 1 studzienia vyrastuć (na $3,9 = 8,3 rubla) taryfy na pasłuhi haza-, elektra- i vodazabieśpiačeńnia, vodaadviadzieńnia, pa kapitalnym ramoncie, sanitarnym utrymańni dapamožnych pamiaškańniaŭ žyłoha doma, pamiery kampiensacyi vydatkaŭ na elektraenierhiju.
Z 1 červienia, paśla zaviaršeńnia aciaplalnaha siezona, taryf na pasłuhi ciepłazabieśpiačeńnia dla patrebaŭ aciapleńnia i haračaha vodazabieśpiačeńnia budzie pavyšany jašče na $1,1.
Taryfy na techničnaje absłuhoŭvańnie žyłoha doma, lifta, vyvaz ćviordych kamunalnych adchodaŭ zastanucca na raniejšym uzroŭni.
