Facebook paviedamiŭ pra vydaleńnie 289 staronak i 75 akaŭntaŭ, jakija ličyć častkaj sietki — jana brała pačatak z Rasii i viałasia supracoŭnikami infarmacyjnaha ahienctva Sputnik. Aŭtary skaardynavana padmanvali karystalnikaŭ.
Sietka dziejničała ŭ Bałtyi, Centralnaj Azii, u Zakaŭkaźzi, a taksama ŭ krainach Uschodniaj i Centralnaj Jeŭropy, u tym liku Biełarusi. Uładalniki akaŭntaŭ i staronak pieravažna pradstaŭlalisia niezaležnymi vydańniami abo supołkami na ahulnyja temy kštałtu padarožžaŭ, nadvorja ci palityki ŭ roznych krainach.
Uładalniki rasijskaj «sietki» taksama vydatkoŭvali hrošy na rekłamu, zapłaciŭšy ahułam kala 135 tysiač dalaraŭ. Jany płacili dalarami, jeŭra i rublami. Samaja pieršaja rekłama datujecca kastryčnikam 2013 hoda, apošniaja — studzieniem 2019 hoda.
