U Biełarusi nie zadavoleny situacyjaj z pryciahnieńniem bujnych mižnarodnych sponsaraŭ dla praviadzieńnia II Jeŭrapiejskich hulniaŭ. Pra heta zajaviŭ premjer-ministr Siarhiej Rumas pa vynikach sustrečy z prezidentam Jeŭrapiejskich alimpijskich kamitetaŭ Janiezam Kačyjančyčam u Rymie, paviedamlaje pres-słužba ŭrada.
Kiraŭnik Jeŭrapiejskich alimpijskich kamitetaŭ vykazaŭ zadavalnieńnie tym, jak idzie padrychtoŭka da II Jeŭrapiejskich hulniaŭ. «Razam z tym my abmierkavali adno važnaje pytańnie — pryciahnieńnie mižnarodnych sponsaraŭ, — skazaŭ Siarhiej Rumas. — Pa kantrakcie byli abaviazacielstvy (Jeŭrapiejskich alimpijskich kamitetaŭ) pryciahnuć bujnych mižnarodnych sponsaraŭ, ale na siońnia vynikami hetaj pracy my nie možam być zadavolenyja».
Tamu na sustrečy abmiarkoŭvalisia mahčymyja vychady ź situacyi, jakaja skłałasia. «Damovilisia, što biełaruski bok voźmie bolš na siabie rabotu pa pryciahnieńni sponsaraŭ u takich premijalnych siektarach, jak naftapierapracoŭka, bankaŭskaja sprava, napoi», — adznačyŭ premjer-ministr.
