Kamandujučy VPS Šviecyi Mats Chielhieson zajaviŭ, što źniščalnik Saab Gripen E zdolny pieramahčy rasijskija samaloty sieryi Su u pavietranym bai. Pra heta paviedamlaje partał Business Insider.

«Gripen, asabliva ŭ madyfikacyi E, zrobleny dla taho, kab źniščać Su. U nas tut čorny pojas».

Źniščalniki «Suchoha» damahlisia statusu lehiendarnych za svaju manieŭranaść i zdolnaść pierajhrać amierykanskija samaloty ŭ pavietry za košt «niebiaśpiečnych i ahresiŭnych trukaŭ», adznačaje vydańnie. Amierykanskija VPS u adkaz robiać staŭku na darahija stełs-technałohii. Kanstruktary Gripen ž nie sprabujuć źnizić prykmietnaść źniščalnika, a madernizujuć bartavyja sistemy radyjoelektronnaj baraćby.

«Gripen nie moža pachvalicca maksimalnaj bajavoj zahruzkaj, małaprykmietnaściu abo vialikaj dalokaściu dziejańnia. Adnak u hetaha źniščalnika jość vyklučnaja asablivaść, jakaja robić jaho kašmaram dla rasijskich samalotaŭ», — piša Business Insider.

Pa słovach ekśpierta brytanskaha Karaleŭskaha abjadnanaha instytuta abaronnych daśledavańniaŭ Džaścina Branka, źniščalniki Gripen pieraŭzychodziać bolšaść anałahaŭ u efiektyŭnaści srodkaŭ elektronnaj baraćby i zahłušeńnia radaraŭ praciŭnika.

«Kali piłotam Gripen nadakučyła być paśmiešyščam dla niamieckich «Tajfun», jany atrymali mahčymaść pravieryć svaje sistemy REB u bajavych umovach. Tady dla niemcaŭ nastupili ciažkija časy. <…> Adzin sa šviedskich źniščalnikaŭ navat zmoh nieprykmietna źjavicca kala levaha kryła «Tajfuna», dziakujučy zdolnaści hłušyć radyjosihnał», — cytuje vydańnie słovy analityka.

Клас
Панылы сорам
Ха-ха
Ого
Сумна
Абуральна