Źleva naprava: kandydaty ŭ premjery ad sacyjalistaŭ Zinaida Hračanaja, ad «Hodnaści i praŭdy» Andrej Nestase, ad «Dziejańnia i salidarnaści» Maja Sandu i ad Demakratyčnaj partyi Uład Płachatniuk. Fota Unimedia.
Dvoje apazicyjnych lidaraŭ Małdovy ŭ čaćvier abvinavacili małdaŭskuju ŭładu ŭ atručvańni — abvinavačvańnie prahučała ŭsiaho za niekalki dzion da parłamienckich vybaraŭ u krainie, piša NewsMaker.
Lidary błoka ACUM Maja Sandu i Andrej Nestasie padazrajuć, što ŭłada atruciła ich ciažkimi mietałami.
Lidary partyj «Dziejańnie i salidarnaść» (PAS) i «Płatforma Hodnaść i praŭda» (DA) Maja Sandu i Andrej Nestasie raspaviali žurnalistam, što źviarnulisia da lekaraŭ praz prablemy sa zdaroŭjem. Analizy pakazali atručeńni ciažkimi mietałami, u tym liku rtućciu.
Kirujučaja Demakratyčnaja partyja źviazała abvinavačvańni ŭ adras ułady z nabližeńniem vybaraŭ. «Zastałosia ŭsiaho niekalki dzion, i tamu ŭ naš adras pasypalisia roznyja abvinavačvańni, vidavočna, nieabhruntavanyja», — skazaŭ pres-sakratar demakrataŭ Vital Hamurar.
24 lutaha ŭ Małdovie ŭpieršyniu projduć parłamienckija vybary pa novaj vybarčaj sistemie: pałova parłamienta budzie abrana pa partyjnych śpisach, pałova — pa adnamandatnych akruhach.