Jak raspavioŭ pradstaŭnik Minfina Łatvii Aleksis Jarockis, u 2018 hodzie ŭ abmiežavańni cieniavoj ekanomiki bolš aktyŭna brali ŭdzieł partniory z pryvatnaha siektara, naprykład, budaŭničyja kampanii, pradpryjemstvy hramadskaha charčavańnia. U vyniku sumiesnaj pracy padadzieny kankretnyja prapanovy.
U 2019 hodzie ŭ Łatvii płanujecca ŭvodzić sistemy elektronnaha ŭliku pracoŭnaha času ŭ budaŭnictvie, praciahnuć mierapryjemstvy pa vykaranieńni cieniavoj ekanomiki ŭ budaŭnictvie, achoŭnych firmach, u hramadskim charčavańni i haściničnym biznesie.
Paroh vykarystańnia najaŭnych dla padatkapłacielščykaŭ, jakija viaduć haspadarčuju dziejnaść, i pryvatnych asob, jakija nie viaduć haspadarčaj dziejnaści, płanujecca pamienšyć z 7200 da 3000 jeŭra.
Taksama płanujecca ŭvieści zabaronu na vykarystańnie hatoŭki ŭ ździełkach ź nieruchomaściu i ŭstanavić abmiežavańni na vykarystańnie najaŭnych pry kupli transpartnych srodkaŭ.
