Zachad pavinien zrazumieć, što vyklik techničnaj revalucyi ŭ Kitai našmat hłybiejšy, čym sprečka Huawei z ZŠA z nahody kradziažu intelektualnaj ułasnaści i dziaržaŭnaha špijanažu, skazaŭ kiraŭnik brytanskaha Centra uradavaj suviazi Džeremi Fleminh, paviedamlaje Reuters.
Fota: pixabay.
Huawei, najbujniejšy ŭ śviecie vytvorca telekamunikacyjnaha abstalavańnia, znachodzicca pad pilnaj uvahaj paśla taho, jak Złučanyja Štaty paprasili chaŭruśnikaŭ nie vykarystoŭvać technałohii kampanii z-za aściarohi, što jany mohuć stać srodkam dla kitajskich špijonskich apieracyj.
Džeremi Fleminh, kiraŭnik brytanskaha Centra uradavaj suviazi (GCHQ), skazaŭ, što niejmaviernyja tempy technałahičnych źmianieńniaŭ stvarajuć biesprecedentnuju niavyznačanaść, niestabilnaść i ryzyku.
«Stratehičnaja prablema miesca Kitaja ŭ epochu hłabalizavanych technałohij našmat bolšaja, čym prosta adna kampanija pa vytvorčaści telekamunikacyjnaha abstalavańnia», — zajaviŭ Fleminh.
«Heta stratehičny vyklik pieršaha paradku dla ŭsich nas», — skazaŭ jon.
Centr uradavaj suviazi — śpiecsłužba Vialikabrytanii, adkaznaja za viadzieńnie radyjoelektronnaj raźviedki i zabieśpiačeńnie abarony infarmacyi orhanaŭ urada i armii.
