Prezident Vieniesueły Nikałas Madura abviaściŭ u krainie 12 i 13 sakavika vychodnymi dniami ŭ suviazi z prablemami enierhazabieśpiačeńnia. Pra heta jon napisaŭ u tvitary
«Ja rasparadziŭsia prypynić školnuju i pracoŭnuju dziejnaść u aŭtorak, 12 sakavika, i sieradu, 13 sakavika», - havorycca ŭ paviedamleńni.
Napiaredadni, 11 sakavika, Nacyjanalnaja asambleja Vieniesueły abviaściła pra ŭviajadzieńnie ŭ krainie nadzvyčajnaha stanovišča ŭ suviazi z adklučeńniem elektraenierhii, u vyniku jakoha ŭ krainie zahinuli nie mienš za 21 čałavieki, a vieniesuelskija pradprymalniki panieśli šmatmiljonnyja straty.
7 sakavika praktyčna ŭsie štaty Vieniesueły zastalisia biez elektryčnaści. Prezident balivaryjanskaj respubliki abvinavaciŭ va ŭsim «amierykanski impieryjalizm».