Vysotny dom žyllovaha kompleksa «Łazuryt», jaki budujecca pobač z «Minsk-Arenaj», na skryžavańni vulicy Naračanskaj i praśpiekta Pieramožcaŭ, płanujuć zdać u ekspłuatacyju ŭ listapadzie 2020 hoda. Ale maksimalnaj vyšyni budynak užo dasiahnuŭ.
Adras doma — praśpiekt Pieramožcaŭ, 115. U im budzie 878 kvater.
Zabudoŭščyk — Upraŭleńnie kapitalnaha budaŭnictva Minharvykankama. Viadučy inžynier pradpryjemstva Siarhiej Bacianoŭski raskazvaje, što na siońnia heta samy vysoki budynak u Minsku:
«U «Łazurycie» 37 pavierchaŭ. Vyšynia doma biez špila — 126,26 mietra, sa špilem — 138,2 mietra».
Na druhim i trecim miescy pa vyšyni, u zaležnaści ad mietodyki padliku, znachodziacca dva budynki.
«Vietraź» na vulicy Kalvaryjskaj (32 pavierchi + techničnyja, 114 mietraŭ biez špila i 133 mietry sa špilem). Fota domovita.by
«Rojał Płaza» na praśpiekcie Pieramožcaŭ (30 pavierchaŭ + techničnyja, 116 mietraŭ biez špila. Vyšynia sa špilem — 130 mietraŭ pa daviedkavych artykułach albo 135 mietraŭ pa mierkavańni ŭłaśnika. fota Slanet.by
Samaje vysokaje zbudavańnie ŭ Biełarusi — słonimskaja televyška (374 mietry).
