Miescaznachodžańnie aryštavanych za apošnija dva dni 23 krymskich tataraŭ na hety momant nieviadoma, da ich nie puskajuć advakataŭ. Pra heta paviedamiŭ žurnalist «Radio Svoboda» Anton Naumluk u Facebook.
«Advakatam, jakija sprabavali naviedać svaich padabaronnych u IČU, kažuć, što ich tam niama. Aktyvistam, jakija sprabavali pieradać pieradačy ŭ SIZA, kažuć toje ž samaje», — napisaŭ karespandent.
Jon adznačaje, što abarona aścierahajecca, što ŭsich aryštavanych krymskich tataraŭ vyvieźli ŭ Maskvu.
Nahadajem, 27 sakavika ŭ anieksavanym Krymie rasijskija siłaviki praviali nie mienš za 25 pieratrusaŭ u damach krymskatatarskich aktyvistaŭ nibyta pa spravie «Chizb ut-Tachryr». 23 čałaviek zatrymali, u tym liku tych, chto pryjšoŭ padtrymać ludziej, jakich abšukvali.
