Ministr transpartu i kamunikacyj Alaksiej Aŭramienka naviedaŭ Pinsk. Jon pravioŭ rabočuju naradu na budaŭničaj placoŭcy kala mosta cieraz raku Pina, paviedamlaje «Miedyja-Paleśsie».
Alaksiej Aŭramienka raspavioŭ, što pieršačarhovaj zadačaj było zabiaśpiečyć prajezd transpartu ŭ abjezd mosta, što ramantujecca.
— Situacyja ź pinskim mostam blizkaja da avaryjnaj, — praciahnuŭ kiraŭnik Mintransa, — navat niaŭzbrojenym vokam vidać, jak praviśli belki. Tamu prajektavańnie i niekatoryja budaŭničyja pracy viaducca paralelna. Asnoŭnyja prajektnyja rašeńni ŭžo pryniatyja, ale prajekt patrabuje šlifoŭki.
Situacyja ŭ Pinsku niapłanavaja, faktyčna nieabchodna razabrać stary i pabudavać novy most. Navat staryja mastavyja apory nieabchodna ŭzmacniać, bo ich apornaja zdolnaść taksama vyklikaje sumnieńni.
