Alaksandr Łukašenka pavinšavaŭ impieratara Japonii Naruchita z uzychodžańniem na impieratarski tron, paviedamlaje BiełTA.
«Pierakanany, što z Vašaj padtrymkaj biełaruska-japonskija adnosiny buduć i ŭ dalejšym paśpiachova raźvivacca na karyść abiedźviuch krain. Budu rady ŭstalavać i padtrymlivać z Vašaj Vysokaściu kantakt dla abmierkavańnia pierśpiektyŭ dvuchbakovaha ŭzajemadziejańnia i pytańniaŭ mižnarodnaha paradku dnia, nakiravanych na pabudovu biaśpiečnaj i ŭpeŭnienaj budučyni dla našych družalubnych narodaŭ», — havorycca ŭ vinšavańni.
Kiraŭnik dziaržavy taksama nakiravaŭ pasłańnie byłomu impierataru Akichita, adznačyŭšy, što ŭ Biełarusi ź vialikaj pavahaj i razumieńniem uspryniali jaho rašeńnie adračysia. «Dla mianie było vialikim honaram i zadavalnieńniem padtrymlivać z Vami kantakty na praciahu minułych hadoŭ», — padkreśliŭ Alaksandr Łukašenka.
