Viarchoŭnaja rada admoviłasia razhladać zakonaprajekt prezidenta Ukrainy Uładzimira Zialenskaha ab impičmiencie. Heta vynikaje ź infarmacyi na aficyjnym sajcie parłamienta.
«U paradak dnia nie ŭklučana», - havorycca ŭ kartcy zakonaprajekta.
Za ŭklučeńnie hetaha dakumienta ŭ paradak parłamienckaj siesii prahałasavali 110 deputataŭ pry nieabchodnym minimumie ŭ 226 hałasoŭ.
Zialenski pieradaŭ u Radu zakonaprajekt ab impičmiencie prezidenta na minułym tydni. Udakładnieńnie pracedury impičmientu było adnym z punktaŭ jaho pieradvybarčaj kampanii. Adznačałasia, što ŭ ciapierašni čas pracedura zabłytanaja, zhodna z Kanstytucyjaj krainy, prezidentu mohuć abjavić impičmient ŭ vypadku, kali jon ździejśniŭ dziaržzdradu abo inšaje złačynstva. Zhodna z dakumientam Zialenskaha, dla adchileńnia prezidenta ad pasady spatrebiacca vyvady Viarchoŭnaha i Kanstytucyjnaha suda i niekalki tajemnych hałasavańniaŭ u parłamiencie z vynikam bolš za 300 hałasoŭ, piša RBK