BiełTA
U druhi dzień spabornictvaŭ na Jeŭrapiejskich hulniach biełarusy zavajavali šeść załatych miedaloŭ, u tym liku ŭ lohkaj atletycy. Zołata ŭ biehu na 100 mietraŭ z barjerami vyjhrała Elvira Hierman, u skačkach u vyšyniu Maksim Niedasiekaŭ, a Taćciana Chaładovič u kidańni kapja.
Zavajavali dva załatyja miedali himnastki. Kamanda ŭ składzie Nastaśsi Rybakovaj, Aryny Cycylinaj, Karyny Jarmolenka, Hanny Švajby i Hanny Hajdukievič za kampazicyju z abručami i bułavami nabrała 26,450 bała. Taksama biełaruski vyjhrali zołata ŭ šmatborji. Ich trenier Iryna Laparskaja skazała, što heta dobry zadzieł na Alimpijadu ŭ Tokia, u nas naradžajecca drym-cim.
Zavajavała zołata sambistka Viera Harelikava (katehoryja da 60 kh).
Paśla dvuch dzion na rachunku biełarusaŭ 34 miedali (10 załatych, 9 srebranych i 15 bronzavych), u Rasii — 39 miedaloŭ (19+10+10), na treciaje miesca vyjšła Ukraina — 17 (5+6+6)
| 1 | Rasija | 19 | 10 | 10 | 39 |
| 2 | Biełaruś | 10 | 9 | 15 | 34 |
| 3 | Ukraina | 5 | 6 | 6 | 17 |
| 4 | Hruzija | 5 | 3 | 8 | 16 |
| 5 | Italija | 4 | 3 | 3 | 10 |
| 6 | Bielhija | 3 | 1 | 1 | 5 |
| 7 | Francyja | 3 | 0 | 2 | 5 |
| 8 | Izrail | 2 | 2 | 0 | 4 |
| 9 | Bałharyja | 1 | 4 | 4 | 9 |
| 10 | Niderłandy | 1 | 4 | 1 | 6 |
