Prezident ZŠA Donald Tramp sustreniecca z kiraŭnikom KNDR Kim Čen Ynam u demilitaryzavanaj zonie na miažy Paŭnočnaj i Paŭdniovaj Karei ŭ niadzielu, 30 červienia, pieradaje CNN.
«Ja sustrenusia sa staršynioj Kimam», — paviedamiŭ Tramp. «Prosta pacisnuć ruku i pavitacca», — dadaŭ jon. Pavodle jaho słoŭ, Kim Čen Yn taksama žadaje hetaj sustrečy. «Pocisk ruki vielmi šmat značyć», — rastłumačyŭ Tramp.
Prezident Paŭdniovaj Karei Mun Čže In u svaju čarhu paćvierdziŭ, što sustreča adbudziecca siońnia. «Upieršyniu za 66 hadoŭ paśla padpisańnia pahadnieńnia ab pieramirji ZŠA i Paŭnočnaja Kareja sustrakajucca ŭ Pchanmundžomie», — adznačyŭ Mun Čže In.
Paśla samitu G20 u Osacy, Tramp nakiravaŭsia ź vizitam u Paŭdniovuju Kareju. Padčas hetaha vizitu prezident ZŠA praz Twitter prapanavaŭ Kim Čen Ynu pravieści karotkuju sustreču ŭ demilitaryzavanaj zonie na miažy Paŭnočnaj i Paŭdniovaj Karei.