Dniami «Baržomi» prapanavała našym artystam vykazać svajo staŭleńnie da Minska. Praz tvorčaść. Tak źjaviłasia pieśnia «Minsk z charaktaram» — sumiesny trek Bakieja, Valika, Shuma, Lery Jaskievič i Lisy. Praź niekalki hadzin paśla relizu jon sabraŭ sotni kamientaroŭ, šmat chto napisaŭ, što pa-inšamu ŭjaŭlaje pieśniu pra biełaruskuju stalicu.
Pasłuchajcie trek «Minsk z charaktaram» — tekst na videa.
Brend «Baržomi» vyrašyŭ dać mahčymaść biełarusam zapisać jašče adzin trek.
Luby achvotny da 10 lipienia moža vykłaści ŭ sacsietkach svaju tvorčaść, pryśviečanuju Minsku, — dema-viersiju pieśni ci prosta vieršy i muzyku dla jaje — i vyjhrać 1000 rubloŭ na zapis treka ŭ prafiesijnaj studyi. Padrabiaznyja ŭmovy praviadzieńnia konkursu i praviły ŭdziełu dastupnyja na sajcie.
«My ŭbačyli, što trek «Minsk z charaktaram» sabraŭ niekalki sotniaŭ kamientaroŭ u sacsietkach artystaŭ i ŭ miedyjach, dzie była apublikavanaja navina. I jašče my źviarnuli ŭvahu, što šmat vykazvańniaŭ było ad ludziej tvorčych, jakija raźbirajucca ŭ muzycy. My zrazumieli, što kožny bačyć horad pa-svojmu, i padumali: čamu b ni zrabić tak, kab źjaviłasia nie adna, a šmat roznych piesień pra Minsk. Mienavita tamu što horad, jak i charaktar u kožnaha čałavieka, — rozny. Naš konkurs nie tolki dla prafiesijanałaŭ — my hatovyja razhledzieć luby materyjał, navat vykanańnie ŭžyvuju — dastatkova vykłaści aŭdyja abo videa ŭ sacsietki z chešteham #Minskscharaktierom», — kaža pradstaŭnik brenda «Baržomi» Kaciaryna Kiłbas.
Aceńvać tvorčaść udzielnikaŭ buduć śpievaki Shuma, Lisa i Bakiej, žurnalistka TUT.by Hanna Jafremienka i pradstaŭniki «Baržomi».
Raboty prymajucca da 10 lipienia, i ŭžo 12 lipienia budzie abvieščanaje imia ščaślivaha pieramožcy.
