Asnoŭnaja pryčyna zdareńnia na hłybakavodnym aparacie ŭ Barancavym mory 1 lipienia — pažar u akumulatarnym adsieku, zajaviŭ ministr abarony Rasii Siarhiej Šajhu na sustrečy z Uładzimiram Pucinym, paviedamlaje Interfaks.
Pa słovach Šajhu, pažar «atrymaŭ niejki raspaŭsiud».
Jadziernaja enierhietyčnaja ŭstanoŭka na padłodcy znachodzicca całkam u pracazdolnym stanie, skazaŭ ministr. Jana «całkam izalavanaja i biaźludnaja», ekipaž vykanaŭ usie nieabchodnyja dziejańni pa jaje abaronie. «Heta dazvalaje nam spadziavacca na dosyć karotkija terminy pa adnaŭleńni aparata», — adznačyŭ Šajhu.
Śpiecyjalisty aceńvajuć stan padłodki. «Pieršaja adznaka — ramont mahčymy. U našym vypadku nie prosta mahčymy, a abaviazkovy. Ciapier aceńvajem terminy, u jakija my hety abjom možam vykanać», — zajaviŭ Šajhu.
U vyniku pažaru na padłodcy zahinuli 14 čałaviek.