Centralnaja vybarčaja kamisija (CVK) Ukrainy zaviaršyła apracoŭku pratakołaŭ pa vynikach pazačarhovych vybaraŭ u Viarchoŭnuju radu. Pieramohu atrymała partyja dziejučaha prezidenta krainy Uładzimira Zialenskaha «Słuha naroda», jakaja nabrała 43,16% hałasoŭ vybarščykaŭ.
Na druhim miescy apynułasia «Apazicyjnaja płatforma — za žyćcio», lidarami jakoj źjaŭlajucca kum rasijskaha prezidenta Viktar Miedviadčuk i eks-vice-premjer Juryj Bojka, u jaje aktyvie 13,05% hałasoŭ.
Treciaje miesca zaniała partyja byłoha premjera Ukrainy Julii Cimašenki «Baćkaŭščyna» (8,18%). Śledam idzie «Jeŭrapiejskaja salidarnaść» Piatra Parašenki (8,10%). «Hołas» Śviatasłava Vakarčuka nabiraje 5,82% hałasoŭ.
Z ulikam vynikaŭ pa adnamandatnych akruhach, dzie bolšaść taksama atrymali paplečniki Zialenskaha, «Słuha naroda» atrymlivaje kala 250 deputackich mandataŭ. Dla bolšaści ŭ parłamiencie patrabavałasia 225 mandataŭ
