Nacyjanalny aeraport Minsk z 1 žniŭnia zapuskaje novuju pasłuhu dla pasažyraŭ mižnarodnych rejsaŭ — FastTrack. Servis daść avijapasažyram mahčymaść paśla rehistracyi na rejs prajści pieradpalotny nadhlad u pryjarytetnym paradku praz asobny punkt nadhladu.
Jon budzie karysny dla avijapasažyraŭ, jakija spaźniajucca, a taksama dla padarožnikaŭ, što ekanomiać i płanujuć svoj čas. Košt pasłuhi składzie 20 rubloŭ.
Kab skarystacca pasłuhaj, pasažyr pavinien być zarehistravany na rejs i mieć pry sabie razdrukavany pasadačny tałon i papiarovy ček ab apłacie hetaj pasłuhi. Pry najaŭnaści hetych dakumientaŭ pasažyry mižnarodnych rejsaŭ mohuć prajści ŭ punkt nadhladu A dla prachodžańnia pieradpalotnaha nadhladu. Dzieciam da 3 hadoŭ pasłuha pradastaŭlajecca biaspłatna.
Apłacić FastTrack možna praź sistemu «Raźlik» (ARIP) abo ŭ infakijosku, ustanoŭlenym pry ŭvachodzie ŭ punkt nadhladu A. U pieršym vypadku šlach dla apłaty budzie taki: «Raźlik» — «Inšyja płaciažy» — «Nacyjanalny aeraport Minsk» — «FastTrack» — numar avijabileta abo numar broni. Paśla apłaty nieabchodna razdrukavać ček i pradastavić jaho razam z pasadačnym tałonam u punkcie nadhladu A.
Dla tych, chto budzie apłačvać praź infakijosk, treba vybrać na hałoŭnym ekranie ŭkładku «Papularnyja płaciažy», potym — sposab apłaty (apłata kartkaj abo najaŭnymi srodkami), u śpisie płaciažoŭ pierajści da «FastTrack», uvieści numar avijabileta abo numar broni. Paśla apłaty z čekam prajści ŭ punkt nadhladu A. Paśla ažyćciaŭleńnia apłaty (niezaležna ad sposabu) hrašovyja srodki nie viartajucca.
