Znojdzienyja ŭ Vilni, na hary Hiedymina, pareštki ŭdzielnikaŭ paŭstańnia 1863-1864 hadoŭ pierapachavajuć na vilenskich mohiłkach u listapadzie. Na cyrymonii pierapachavańnia čakajucca prezident Polščy, pradstaŭniki Biełarusi, Ukrainy, Łatvii, paviedamlaje Delfi.
Fota: Delfi.
Dakładnaja data cyrymonii budzie zaležać ad taho, jak buduć iści spravy z abstalavańniem kaplicy dla pachavańniaŭ na mohiłkach.
Viadoma, što zaprašeńnie pryjechać u Vilniu atrymali prezident Polščy Andžej Duda, a taksama ŭradavaja delehacyja Biełarusi. Pakul što nie jasna, ci budzie ŭ jaje składzie biełaruski premjer Siarhiej Rumas. Što tyčycca Łatvii i Ukrainy, jany taksama buduć pradstaŭleny, ale na bolš nizkim uzroŭni.
Paŭstancy buduć pachavany z naležnymi ŭšanavańniami. Ličycca, što heta budzie dadatkovy centr pryciahnieńnia na mohiłki i dla litoŭcaŭ, i dla palakaŭ, i dla biełarusaŭ. Imiony paŭstancaŭ buduć zapisanyja na litoŭskaj, polskaj i biełaruskaj movach.
