Sudmiedekśpiertyza paćvierdziła, što pryčynaj śmierci miljardera i finansista Džefry Epštejna stała samahubstva. Pra heta paviedamlaje Associated Press.
Jak piša Bloomberg sa spasyłkaj na čałavieka, znajomaha sa spravazdačaj sudmiedekśpiertaŭ, uskryćcio było praviedziena jašče ŭ minułuju niadzielu, adnak publikacyja spravazdačy była adkładzienaja ŭ čakańni atrymańnia dadatkovaj infarmacyi.
Pra śmierć 66-hadovaha Epštejna stała viadoma 10 žniŭnia. Paviedamlałasia, što jon pakončyŭ z saboj u kamiery SIZA Manchetena.
Epštejna zatrymali ŭ pačatku lipienia, paźniej jamu pradjavili abvinavačvańni ŭ seks-handli niepaŭnaletnimi. U 2008 hodzie miljarder pryznaŭ siabie vinavatym u skłanieńni asob, maładziejšych za 18 hadoŭ da zaniatkaŭ prastytucyjaj. Epštejn zaklučyŭ ździełku sa śledstvam, i tady jaho prysudzili da 13 miesiacaŭ turmy i abaviazali vypłacić kampiensacyi.