Pra heta dev.by paviedamiŭ dyrektar TAA «Junison Aŭto» Dźmitryj Šeleh.
— Na hety momant zavod nie vypuskaje elektramabili. Zborka spynienaja, bo zavod znachodzicca ŭ zaviaršalnaj stadyi rekanstrukcyi. Vypusk elektramabilaŭ adnovicca paśla zapusku vytvorčaści poŭnaha technałahičnaha cykła, uklučajučy zvarku i afarboŭku. Pa aptymistyčnych prahnozach, heta adbudziecca ŭ kancy hoda, — raspavioŭ Dźmitryj Šeleh.
Jon taksama paviedamiŭ, što ŭ hetym hodzie zavodu ŭdałosia pradać na biełaruskim i rasijskim rynkach probnuju partyju (niekalki dziasiatkaŭ) sabranych kitajskich elektramabilaŭ Zotye E200EV.
«Junison» siertyfikavaŭ madel Zotye E200EV ŭ kancy 2018 hoda. Prodažy madeli na ŭnutranym rynku startavali ŭ pačatku hetaha hoda. Sioleta zavod płanavaŭ siertyfikavać jašče dźvie madeli elektramabilaŭ — siedan i siaredniepamierny krasovier. Patencyjny popyt na elektramabili ŭ Biełarusi, pavodle acenak Dźmitryja Šeleha, składaje kala 1,0 tys. adzinak.
