Bolš za pałovu ŭkraincaŭ (56%) nie padtrymlivajuć uviadzieńnie i zamacavańnie ŭ Kanstytucyi Ukrainy asablivaha statusu dla akupavanaha Danbasu. Pra heta kažuć vyniki apytańnia Centra Razumkova. Padtrymlivajuć asablivy status tolki 26% apytanych.
Ideju ŭviadzieńnia va Ukrainie fiederatyŭnaha ładu nie padtrymlivajuć 63% apytanych, padtrymlivajuć — 17%.
Taksama pieravažna adkidajucca hramadskaj dumkaj takija kampramisy dziela dasiahnieńnia miru na Danbasie: amnistyja ŭsim tym, chto braŭ udzieł u bajavych dziejańniach na Danbasie (nie padtrymlivajuć 59%, padtrymlivajuć — 18%), admova ad jeŭraintehracyi, vychad z Damovy ab asacyjacyi ź ES (nie padtrymlivajuć 59%, padtrymlivajuć — 19%), abviaščeńnie ruskaj movy druhoj dziaržaŭnaj (nie padtrymlivajuć 56%, padtrymlivajuć — 29,5%), admova ad pierśpiektyvy siabroŭstva ŭ NATA, zamacavańnie ŭ Kanstytucyi niejtralnaha statusu Ukrainy (nie padtrymlivajuć 54%, padtrymlivajuć — 25%).
