Fota ź Vikipiedyi
Sudździa Viarchoŭnaha suda Ispanii Pabła Ljarena vydaŭ ordary na aryšt eks-kiraŭnika ženieralitata (parłamienta i ŭrada) Katałonii Karlesa Pučdemona.
Sud vydaŭ adrazu dva ordary — jeŭrapiejski (što dziejničaje na terytoryi ŭsich krain — udzielnic ES) i mižnarodny. U tekście paviedamleńnia havorycca, što ordary byli vydadzieny na padstavie abvinavačvańniaŭ u miaciažy i rastracie dziaržaŭnych srodkaŭ.
U 2018 hodzie Viarchoŭny sud užo vydavaŭ jeŭrapiejskija ordary na aryšt eks-kiraŭnika Katałonii i piaciarych jaho prychilnikaŭ. U kastryčniku 2018 hoda sud adklikaŭ ordar, patłumačyŭšy rašeńnie niežadańniem sudzić sieparatystaŭ tolki za rastratu dziaržsrodkaŭ.
Zaraz Pučdemon žyvie ŭ Bielhii, kudy jon pryjechaŭ u kastryčniku 2018 hoda, paśla abviaščeńnia niezaležnaści Katałonii parłamientam rehijona i pahrozy pieraśledu z boku ŭładaŭ Ispanii.
Lidaraŭ katałonskaha niezaležnickaha ruchu prysudzili da 13 hadoŭ turmy
