Alphabet, baćkoŭskaja kampanija Google, abviaściła pra kuplu vytvorcy smart-hadzińnikaŭ Fitbit z ofisam raspracoŭki ŭ Minsku za $2,1 młrd, paviedamlaje CNBC.
U paniadziełak, paśla źjaŭleńnia navin ab płanach Alphabet kupić Fitbit, akcyi apošniaj da zakryćcia tarhoŭ vyraśli bolš čym na 30%, a kapitalizacyja — na $340 młn da $1,5 miljardaŭ.
Fitbit — amierykanskaja kampanija z ofisam raspracoŭki ŭ Minsku. Vyrablaje fitnies-pryłady, takija jak smart-branzalety, hadzińniki i Wi-Fi-vahi. Zasnavana ŭ 2007 hodzie, štab-kvatera znachodzicca ŭ San-Francyska, štat Kalifornija.
Fitbit stanie druhoj minskaj kamandaj u składzie Google paśla Aimatter, jakuju IT-hihant nabyŭ u 2016 hodzie.
0
0
0
0
0
0
