visitestonia.com
Ułady Estonii nie dazvolili pralot praz svaju terytoryju samalotu ź vice-premjeram urada Rasii na borcie. Pra heta paviedamiła aficyjny pradstaŭnik Ministerstva zamiežnych spraŭ Rasii Maryja Zacharava, pišuć RIA Naviny.
Incydent adbyŭsia ŭ kastryčniku 2019 hoda, imia vice-premjera Rasii Zacharava nie ŭdakładniła.
Pra heta dypłamat raspaviała, kamientujučy admovu Talina biez tłumačeńnia pryčyn u zachodzie ŭ terytaryjalnyja vady Estonii sudna «Akademik Prymakoŭ», adznačajučy, što za apošni čas heta ŭžo treci vypadak. Pa słovach aficyjnaha pradstaŭnika MZS Rasii, padobnyja dziejańni estonskich uładaŭ vyklikajuć u Maskvy ździŭleńnie.
«Fiksujem hetyja niedružalubnyja demaršy. Budziem uličvać ich pry vybudoŭvańni dvuchbakovych adnosin z Estonijaj», — reziumavała jana.
