U parłamiencie prachodzić «nulavoje čytańnie» biudžetu. Deputaty pacikavilisia va ŭrada, jak buduć mianiacca ceny na bienzin, piša Tut.by.
— Urad u najbližejšy čas budzie prytrymlivacca toj ža palityki pa płanamiernym pavyšeńni cen na paliva — u vypadku, kali budzie raści cana na naftu abo budzie źmianiacca košt biełaruskaha rubla da amierykanskaj valuty, — patłumačyŭ Siarhiej Rumas.
Premjer nahadaŭ, što ŭ hetym hodzie na adnu kapiejku 19 raz pavyšali i 4 razy panižali canu — u vyniku na 15 kapiejek paliva padaražeła.
— Na siońniašni dzień pieradumoŭ niejkich da taho, kab pavyšać ceny na paliva, niama. Cana na naftu adnosna stabilnaja i ekanomika naftapierapracoŭčych zavodaŭ dazvalaje pracavać pry hetym uzroŭni koštaŭ na paliva, — skazaŭ Siarhiej Rumas.
