U Biełarusi na 1 studzienia 2019 hoda na dyspansiernym uliku znachodziłasia bolš za 335 tysiač pacyjentaŭ z cukrovym dyjabietam, u tym liku z cukrovym dyjabietam 1-ha typu — 17 840 čałaviek, u tym liku 2282 dziaciej, cukrovym dyjabietam 2-ha typu — 314 976 čałaviek, hiestacyjonnym cukrovym dyjabietam — 434 čałavieka, inšymi śpiecyfičnymi typami dyjabietu — 2648 čałaviek.
Za apošnija 20 hadoŭ kolkaść pacyjentaŭ z cukrovym dyjabietam vyrasła ŭ try razy. Biełarusaŭ z cukrovym dyjabietam zabiaśpiečvajuć insulinam i tableciravanymi hlukozapanižajučymi lekami za košt dziaržbiudžetu. U našaj krainie hienna-inžyniernyja insuliny ajčynnaj vytvorčaści pakryvajuć patrebu pacyjentaŭ na 88,6%. U 2018 hodzie kolkaść pacyjentaŭ na pompavaj insulinaterapii pavialičyłasia na 43,5% i składaje 165 čałaviek.
Siaredniaja praciahłaść žyćcia ŭ pacyjentaŭ z cukrovym dyjabietam 2-ha typu — 73,9 hoda. Śmiarotnaść pacyjentaŭ z cukrovym dyjabietam za apošnija 15 hadoŭ źniziłasia ŭ 1,3 razy: z 4,7 da 3,5 na 100 pacyjentaŭ.
U śviecie — bolš 425 młn pacyjentaŭ z cukrovym dyjabietam, u bolšaści — dyjabiet 2-ha typu. Siońnia kožny druhi čałaviek, jaki žyvie z cukrovym dyjabietam 2-ha typu, nie viedaje, što ŭ jaho jość heta zachvorvańnie.
