Rada ministraŭ ES uchvaliŭ biudžet Jeŭrasajuza na nastupny hod, 21% vydatkaŭ idzie na baraćbu sa źmienami klimatu, piša sajt Jeŭrapiejskaj Rady.
«21% biudžetu pojdzie na miery, skiravanyja na baraćbu sa źmianieńniem klimatu. Heta budzie dasiahnuta šlacham klimatyčna aryjentavanych dziejańniaŭ u šerahu abłaściej, takich jak daśledavańni i raspracoŭki, transpartnaja i enierhietyčnaja infrastruktura, a taksama źniešnija dziejańni ES».
Biudžet ES u nastupnym hodzie budzie nakiravany na padtrymku ekanamičnaha rostu i kankurentazdolnaści jeŭrapiejskaj ekanomiki, a taksama na dasiahnieńnie inšych pryjarytetaŭ ES, u pryvatnaści ŭ takich halinach, jak biaśpieka i kiravańnie mihracyjaj.
Prybytkovaja častka biudžetu ES vyznačana ŭ 168,7 młrd jeŭra. U toj ža čas ahulnaja suma vydatkaŭ aceńvajecca ŭ 153,6 młrd jeŭra.
Biudžet maje być zaćvierdžany rašeńniem Jeŭrapiejskaha parłamienta 27 listapada.
