Achviaraj stała 46-hadovaja adzinokaja žančyna, da jakoj u listapadzie praz sacsietku pahrukaŭsia nieviadomy. Jon pradstaviŭsia amierykanskim biznesoŭcam Skotam Morysam. Padčas razmovy minčanka prasiaknułasia simpatyjaj da novaha znajomaha, paviedamlaje pres-słužba milicyi.
Virtualny surazmoŭca raspavioŭ žančynie, što choča adkryć i zarehistravać na jaje niejki fond. Heta dazvoliła b joj atrymlivać dadatkovy prybytak. Adnak dla afarmleńnia dakumientaŭ spačatku nieabchodna pierasłać jamu $500, što i było zroblena. Paśla hetaha z žančynaj źviazaŭsia nibyta advakat biznesmiena, jaki zapeŭniŭ, što ŭsio prajšło dobra, i paprasiŭ jašče amal $3 tys. dla adkryćcia rachunku ŭ banku i afarmleńnia kartki. Paśla taho, jak minčanka addała hrošy, a novyja znajomyja pierastali vychodzić na suviaź, paciarpiełaja źviarnułasia ŭ milicyju.
Pravaachoŭniki ŭstanavili, što hrošy byli pieraviedzieny ŭ Aŭstryju.
