Rasija i Ukraina dasiahnuli pryncypovaha pahadnieńnia pa tranzicie hazu ŭ Jeŭrasajuz z 1 studzienia 2020 hoda, paviedamiŭ vice-prezident Jeŭrakamisii Maraš Šefčavič na pres-kanfierencyi ŭ Bierlinie pa vynikach šmathadzinnych pieramoŭ pa tranzicie hazu, piša interfax.ru.
U svaju čarhu ministr enierhietyki Rasii Alaksandr Novak paviedamiŭ, što baki padrychtavali detalovy prajekt pratakoła da budučaha pahadnieńnia pa hazie, ale jaho jašče treba ŭzhadnić.
Ministr enierhietyki i achovy navakolnaha asiarodździa Ukrainy Alaksiej Oržal taksama zajaviŭ, što Ukraina, Rasija i Jeŭrakamisija «dobra papracavali» i napracavali pratakoł, jaki nabližaje padpisańnie tranzitnaha kantraktu. Hetyja napracoŭki pavinny być uzhodnienyja palityčnym kiraŭnictvam u Kijevie i Maskvie, adznačyŭ jon.
Rasijska-ŭkrainskija pieramovy pa hazie ŭ Bierlinie 19 śniežnia praciahvalisia amal vosiem hadzin.
