Hałoŭnym prychilnikam zabojstva iranskaha hienierała Kasiema Sulejmani siarod členaŭ amierykanskaj administracyi byŭ dziaržsakratar Majk Pampiea, niekalki miesiacaŭ jon pierakonvaŭ prezidenta ZŠA Donalda Trampa likvidavać kiraŭnika elitnaha padraździaleńnia «Al Kuds». Pra heta paviedamlaje hazieta Washington Post u paniadziełak.
Pavodle vydańnia, Tramp doŭhi čas byŭ suprać hetaj apieracyi, situacyja źmianiłasia paśla hibieli amierykanskaha cyvilnaha kantraktnika ŭ vyniku abstrełu vajskovaj bazy ŭ rajonie Kirkuk.
Aŭtar publikacyi ličyć, što zabojstva Sulejmani Pampiea moža vykarystoŭvać dla raźvićcia svajoj palityčnaj karjery. U pryvatnaści, heta nibyta zabiaśpiečyć jamu padtrymku izrailskaha łobi.
Krynica WP u Biełym domie adznačaje, što raniejšy kiraŭnik Pientahona Džym Mecis nikoli b nie pahadziŭsia na zabojstva Sulejmani. Inšy surazmoŭca haziety adkazvaje, što dziaržsakratar zaŭsiody vydzialaŭ Iran, i vielmi ŭvažliva vyvučaje lubyja dakumienty, jakija tyčacca hetaj temy.
Hienierał Kasiem Sulejmani byŭ zabity 3 studzienia ŭ chodzie rakietnaha ŭdaru ZŠA pa aeraporcie Bahdada. Zahad addaŭ Donald Tramp.
