U aeraportach Biełarusi ŭzmocnieny sanitarna-karancinny kantrol pasažyraŭ, paviedamlaje Ministerstva achovy zdaroŭja.
Ministerstva achovy zdaroŭja Biełarusi adsočvaje situacyju z karanavirusam novaha typu ŭ śviecie, uzmocnieny prafiłaktyčnyja mierapryjemstvy pa niedapuščeńni jaho raspaŭsiudžvańnia ŭ krainie. Praca śpiecyjalistaŭ viedamstva nakiravana na prafiłaktyku zachvorvańnia siarod tych, chto zajazdžaje ŭ Biełaruś z krain ź niespryjalnaj epidsituacyjaj. Taksama viadziecca praca, u tym liku praz turapierataraŭ, kab papiaredžvać hramadzian, jakija płanujuć pajezdki za miažu.
U aeraportach arhanizavany sanitarna-karancinny kantrol pasažyraŭ z krain, u jakich vyjaŭlena zachvorvańnie, u tym liku z prymianieńniem ciepłavizijnaha abstalavańnia.