Fota ź Vikipiedyi
Hazieta The New York Times nazvała lidaraŭ pieršych partschodaŭ demakrataŭ u amierykanskim štacie Ajova. Najbolšuju padtrymku na schodach aktyvistaŭ partyi (takija schody nazyvajuć kokusami) atrymlivajuć sienatar ad Viermonta Bierni Sanders, były vice-prezident Džo Bajden i były mer horada Saŭt-Ben (Indyjana) Pit Butydžydž.
Vydańnie ŭdakładniaje, što heta nie kančatkovyja vyniki, a tolki acenki na asnovie apytańniaŭ ludziej, jakija pryjšli na schody. Pavodle hetych źviestak, Sanders pieramahaje ź imaviernaściu 33%. U Bajdena 28%. Dalej idzie Butydžydž z 21%.
Schody aktyvistaŭ, zvanyja kokusy, pačalisia ŭ Ajovie a 19 3 lutaha (04:00 4 lutaha pa Minsku). Jany prachodziać u spartzałach i stałovych, kramach, pažarnych častkach.
Na kokusy adbirajuć delehataŭ, jakija na budučych źjezdach partyj padtrymajuć taho ci inšaha pretendenta na vyłučeńnie kandydatam u prezidenty.
Pastupova ŭ roznych štatach buduć pravodzicca prajmieryz i kokusy. 11 lutaha projduć prajmieryz u Ńju-Hiempšyry, a 3 sakavika — «supieraŭtorak», kali takija pieradvybary projduć adrazu ŭ 17 štatach. U lipieni kandydat ad Demakratyčnaj partyi budzie nazvany na źjeździe.
Anałahičnyja kokusy prajšli i ŭ respublikancaŭ. Tut biassprečny lidar Donald Tramp, jaki nabraŭ absalutnuju bolšaść hałasoŭ. Ad Ajovy na źjezd respublikancaŭ jedzie 40 delehataŭ.
Prezidenckija vybary ŭ ZŠA adbuducca 3 listapada.