24tv.ua
Pastajanny pradstaŭnik Ukrainy ŭ AAN Siarhiej Kiślica spytaŭ rasijskaha pastajannaha pradstaŭnika Vasila Niabienziu, «ci chočuć ruskija vajny», začytaŭšy častku adnajmiennaha vierša paeta Jaŭhienija Jeŭtušenki. Pra heta paviedamlaje «Hromadśkie».
Kiślica padkreśliŭ, što admysłova dla Niabienzi piarojdzie na ruskuju movu. «Chotiat li russkije vojny? Sprositie vy u tiech sołdat, čto pod bieriezami ležat, i vam otvietiat ich syny, chotiat li russkije vojny», — pracytavaŭ pradstaŭnik Ukrainy paeta, dadaŭšy, što adkaz na hetaje pytańnie ŭ siońniašnich umovach daść Parad Pieramohi 9 Maja ŭ Maskvie.
«Kali my ŭbačym, ci vyniesuć partrety Stalina jaho ŭdzielniki. Taho Stalina, jaki ŭ svoj čas byŭ vyniesieny z Maŭzaleja, ale, jak bačym, nie z rozumaŭ», — ličyć ukrainski dypłamat. Jon adznačyŭ, što siońnia ŭ Rasii nabiraje abaroty ŭsłaŭleńnie Stalina, imia jakoha «adbielvajuć».
«Kali rastuć jak hryby pomniki hetamu dyktataru i zabojcu, aŭtaru hienacydu ŭkrainskaha naroda 30-ch hadoŭ, ja chaču zaviaršyć svoj vystup pytańniem da rasijskaha pradstaŭnika: «Tak chotiat li russkije vojny?» — reziumavaŭ Kiślica.
