Incydent adbyŭsia ŭ kastryčniku minułaha hoda, paviedamlaje sb.by.
29-hadovy ŭkrainiec jechaŭ na ciahniku Kijeŭ — Sankt-Pieciarburh. Padčas pravierki ŭ respublikanskim punkcie mytnaha afarmleńnia «Ciarucha» słužbovy sabaka znajšoŭ pakiecik z raślinnym rečyvam, jaki naležaŭ pasažyru. Pavodle zaklučeńnia ekśpiertyzy, heta była marychuana. Vosiem doz było znojdziena ŭ kišeniach adziežy.
Mužčyna pryznaŭsia, što źjaŭlajecca narkamanam sa stažam. U chodzie śledstva było ŭstanoŭlena, što jon jechaŭ u Biełaruś na spatkańnie z žonkaj-rasijankaj. Pakolki z Rasii pasažyr byŭ departavany za parušeńnie mihracyjnaha zakanadaŭstva, muž i žonka płanavali sustrecca na «niejtralnaj terytoryi». Ramantyčnaha spatkańnia nie adbyłosia. Mužčynu aryštavali, zaviali kryminalnuju spravu pa dvuch artykułach antynarkatyčnaha zakanadaŭstva našaj krainy.
— Sud Homielskaha rajona asudziŭ hramadzianina Ukrainy na try hady kałonii ŭzmocnienaha režymu, — paviedamiŭ Homielski transpartny prakuror Siarhiej Kazakievič. — Prysud ustupiŭ u siłu.
