U Minsku buduć sudzić piensijaniera, jaki ŭ studzieni hetaha hoda napaŭ na supracoŭnikaŭ chutkaj dapamohi, što prybyli da jaho dadomu. Padrabiaznaści zdareńnia mužčyna raspavioŭ STB, piša Tut.by.
Mužčynu 62 hady, u viečar, kali ŭsio adbyłosia, jon byŭ pjany. Z-za jaho ahresiŭnych pavodzin miedyki vyrašyli, što jamu patrebna psichijatryčnaja dapamoha.
— Uviečary adčuŭ siabie niadobra i vyklikaŭ daktaroŭ. U mianie prosta depresija była, zryŭ niervovy. Ja kažu: «Zrabicie mnie što-niebudź, jaki-niebudź ŭkoł, kab chutčej ad hetaha pazbaviŭsia». A potym miedsiastra skazała, što jaho treba ŭ psichušku. Ja chutka padniaŭsia z łožka i paprasiŭ ich pakinuć kvateru. Kali ja paŭz kuchniu bieh, mašynalna schapiŭ kuchonny nož vialiki, — raspavioŭ mužčyna.
Daktary zmahli pakinuć kvateru. U dačynieńni da piensijaniera raspačali kryminalnuju spravu pa č. 1 art. 366 KK (Hvałt albo pahroza ŭ dačynieńni da słužbovaj asoby). Sankcyja artykuła praduhledžvaje pakarańnie ad štrafu da pazbaŭleńnia voli na termin da piaci hadoŭ.
