Fota Nadziei Bužan
U aŭtorak, 10 sakavika, nočču na bolšaj častcy terytoryi krainy projduć karotkačasovyja apadki, u asnoŭnym daždžy, dniom u asobnych rajonach nievialikija daždžy. Nočču +1…+7°S, pa zachadzie pry prajaśnieńniach padmarozić da 0…-2°S, dniom pavietra prahrejecca da 6…+12°S, piša sb.by.
U sieradu, 11 sakavika, ranicaj u mnohich rajonach karotkačasovyja daždžy. Viecier paŭdniovy, dniom ź pierachodam na zachodni 5-10 m/s, paryvy da 14 m/s, ranicaj i dniom miescami da 15-20 m/s. Nočču ad -1 da +5°S, dniom — +5…+12°S, na paŭdniovym zachadzie jašče ciaplej — da +14°S.
U čaćvier, 12 sakavika, miescami karotkačasovyja daždžy, a dniom apadki prahnazujucca na bolšaj častcy Hrodzienskaj i Bresckaj abłaściej. Nočču mahčymy mokry śnieh. Ranicaj i dniom u mnohich rajonach paryvy vietru da 15-20 m/s. Unačy ad -1 da + 4°S, dniom - ad +6 da +13°S, u paŭdniova-zachodnich rajonach — da +16°S.
