Pra heta paviedamiŭ BIEŁTA pres-sakratar kancerna Alaksandr Ciščanka.
«My paćviardžajem infarmacyju. U hetym miesiacy čakajem praz port Kłajpiedy jašče try tankiery. Infarmacyju pra ich pakul nie detalizujem», — skazaŭ Alaksandr Ciščanka.
Raniej paviedamlałasia pra damoŭlenaść «Biełnaftachima» na kuplu ŭ sakaviku dvuch tankieraŭ nafty ŭ trejdaraŭ ź pieravałkaj u porcie Kłajpiedy. Pieršy ź ich prybyŭ u litoŭski port 4 sakavika. Hetaja nafta budzie pierapracoŭvacca ŭ AAT «Naftan».
Kamientujučy infarmacyju Reuters pra abmierkavańnie mahčymaści pastavak u Biełaruś nafty z Saudaŭskaj Aravii, Alaksandr Ciščanka skazaŭ, što kraina pracuje pa ŭsich napramkach dyviersifikacyi pastavak nafty, u tym liku z arabskimi krainami.
«Naftavy rynak siońnia možna nazvać najnoŭšym z ulikam apošniaj dynamiki cen i prapanoŭ. My pracujem pa ŭsich napramkach dyviersifikacyi, u tym liku z arabskimi pastaŭščykami. Z ulikam taho, što pakul niama infarmacyi, što pa najnoŭšych cenach užo chto-niebudź niešta kupiŭ, to łahičniej za ŭsio praciahnuć vyvučeńnie rynku», — adznačyŭ pradstaŭnik «Biełnaftachima».