Premjer-ministr Polščy Mateuš Maraviecki abviaściŭ ab uviadzieńni režymu epidemii ŭ krainie z-za raspaŭsiudžvańnia karanavirusa, paviedamlaje «Polskaje Radyjo».
Pa słovach polskaha premjera, heta rašeńnie daje ŭładam novyja mahčymaści dla baraćby z raspaŭsiudžvańniem karanavirusa ŭ krainie, adnak pry hetym jano ciahnie za saboj peŭnyja abaviazacielstvy.
«My taksama ŭkaraniajem miechanizmy, jakija dazvalajuć adsočvać, ci sapraŭdy čałaviek znachodzicca doma pa adrasie», — paviedamiŭ premjer-ministr padčas pres-kanfierencyi ŭ piatnicu 20 sakavika.
Tym, chto parušaje karancin, budzie pahražać štraf u pamiery 30 tysiač złotych (kala 18 tysiač biełaruskich rubloŭ).
Akramia taho, u Polščy prypyniajucca zaniatki va ŭsich navučalnych ustanovach da Vialikadnia.
