Hramadzianin Rasii sa stanoŭčym testam na karanavirus paśpieŭ pabyvać u Lepielskim vajskovym sanatoryi. Hetuju infarmacyju «Našaj Nivie» paćvierdzili ŭ arhanizacyi.
Fota: turcentr.by
«Jon pryjechaŭ 16 sakavika, a 20 sakavika jaho pakłali ŭ balnicu ŭ Lepieli. Kažuć, jon adlačyŭsia ŭ balnicy i ŭžo źjechaŭ, — raskazali ŭ sanatoryi. — Nichto z našych bolš nie zaraziŭsia, ale da 8 krasavika ŭviedzieny karancin».
U Lepielskaj centralnaj balnicy nie kamientujuć historyju.
«Vy takuju infarmacyju daviedvajciesia ŭ Lepielskim vajskovym sanatoryi, i chaj jany kamientujuć. Ja nie mahu pa telefonie kazać, ci praŭda heta albo nie praŭda», — adkazaŭ «Našaj Nivie» hałoŭny doktar Illa Šandalesaŭ.
Pres-sakratarka Ministerstva achovy zdaroŭja Julija Baradun na praciahu dvuch dzion nie adkazvaje na telefanavańni karespandenta «Našaj Nivy». Jana pračytvała paviedamleńni ŭ mesendžary, ale nie adreahavała na ich.
