Pra heta zapeŭniła načalnik upraŭleńnia ahulnaj siaredniaj adukacyi Ministerstva adukacyi Iryna Karžova padčas anłajn-kanfierencyi na sajcie BIEŁTA.
«Z ulikam tych adznak, jakija dzicia atrymaje za vykananyja zadańni, budzie vystaŭlena adznaka za čverć. Pa vynikach užo ŭsich čverciaŭ budzie vystaŭlena hadavaja adznaka. Heta značyć tut pytańniaŭ być nie pavinna», — skazała Iryna Karžova.
Jak adznačyła dyrektar Nacyjanalnaha instytuta adukacyi Valancina Hinčuk, mienavita nastaŭnik i administracyja ŭstanovy adukacyi vyznačajuć miechanizm uzajemadziejańnia z navučencami, jakija buduć vučycca dystancyjna.
«My b rekamiendavali ŭ jakaści płatformy vykarystoŭvać u pieršuju čarhu sajt ustanovy adukacyi, u toj ža čas padrychtavanyja pieraliki i inšych servisaŭ, jakija možna vykarystoŭvać, — raspaviała jana. — Što tyčycca kantrolu viedaŭ, my rekamiendavali niekatoryja servisy, jakija možna vykarystoŭvać dla arhanizacyi zvarotnaj suviazi. Jany praduhledžvajuć, što nastaŭnik budzie kansultavać navučencaŭ z nahody ciažkaściaŭ, jakija ŭźnikajuć u pracesie samastojnaha vyvučeńnia materyjału. Mienavita nastaŭnik vyznačaje, u jakim farmacie nieabchodna pradastavić vykananyja zadańnia, što jon prapanavaŭ dla samastojnaj pracy. I hetyja zadańni buduć acenienyja».
