Pa amnistyi da 75-hodździa Pieramohi ad kryminalnaj adkaznaści vyzvalać bolš za piać tysiač asudžanych. Pra heta paviedamiła siońnia žurnalistam člen Pastajannaj kamisii pa nacyjanalnaj biaśpiecy Pałaty pradstaŭnikoŭ Maryna Lančeŭskaja, piša BIEŁTA.
Pavodle papiarednich źviestak, ad kryminalnaha pakarańnia i inšych mier kryminalnaj adkaznaści buduć vyzvalenyja bolš za piać tysiač asudžanych. Skaročany termin pakarańnia da hoda bolš čym šaści tysiačam asudžanych.
Ź miescaŭ pazbaŭleńnia voli vyjdzie bolš za 2 tys. čałaviek.
Maryna Lančeŭskaja raspaviała pra adroźnieńni ciapierašniaha zakona ab amnistyi ad taho, što prymaŭsia ŭ 2019 hodzie. «Pad amnistyju traplajuć niepaŭnaletnija, jakija ździejśnili złačynstva pa č.4 i č.5 vrt.328 (niezakonny abarot narkotykaŭ), a taksama asudžanyja za karupcyjnyja złačynstvy — biezumoŭna, tolki pry kampiensacyi škody», — prainfarmavała jana.
Tradycyjna pad amnistyju traplajuć niepaŭnaletnija, ciažarnyja žančyny, ludzi z ankałahičnymi zachvorvańniami, VIČ-infikavanyja i h.d.
Termin vykanańnia zakona — šeść miesiacaŭ. Dla papiaredniaj amnistyi jon byŭ dzieviać miesiacaŭ.
