Karespadent rasijskaha «Pieršaha kanała» Alaksiej Kručynin, tydzień tamu vysłany ź Minska, vyrašyŭ adkazać na siužet telekanała «Biełaruś-1» pra siabie.
Čytajcie taksama:
BT: Siem fejkaŭ pra Biełaruś — heta dno, tavaryšy prapahandysty z «Pieršaha kanała»
Žurnalist «SB»: Karespandent Pieršaha kanała Kručynin — niedačałaviek
Jon cytuje pretenzii, ahučanyja biełaruskimi televizijnikami, i daje svaje kamientary. Pryviadziom niekatoryja prykłady.
1. Naprykład, «Pieršy kanał» śćviardžaŭ, što vielikodnyja słužby i respublikanski subotnik pryviali da čarhovaj uspyški karanavirusa ŭ Biełarusi. BT adkazvaje: uspyški niama, prosta štodnia fiksujecca pa 750-900 novych vypadkaŭ, jak i raniej. Kručynin piarečyć: ja i kazaŭ, što pryrost byŭ.
2. «Pieršy kanał» pakazaŭ šerah mahiłaŭ u Stoŭbcach. Na adnym z partretaŭ była dziaŭčyna, jakaja zahinuła ŭ 2019-m u aŭtakatastrofie. BT: «Pieršy kanał» — trupajedy! Kručynin: a ja nie i kazaŭ, što heta dziaŭčyna pamierła ad karanavirusa!
3. «Pieršy kanał» zajaviŭ, što Biełaruś pa pryroście vyjaŭlenych vypadkaŭ karanavirusa na dušu nasielnictva vyjšła na treciaje miesca ŭ Jeŭropie. BT piarečyć: pahladzicie chacia b na svaju Rasiju. Kručynin ciapier tłumačyć mietadałohiju: jon uziaŭ kankretna 28 krasavika (siužet vyjšaŭ 6 maja) i padličyŭ, što ŭ pieraliku na kolkaść nasielnictva Biełaruś apiaredžvała pa novych vypadkach usich, aproč Vatykana i San-Maryna.
«Ja byŭ karespandentam u «Biełoruśsii», a nie ŭ Rasii. Adpaviedna, u maje abaviazki ŭvachodziła aśviatlać situacyju mienavita ŭ «Biełoruśsii». Na žal, kalehi z BT-1, dno prabili mienavita vy. A my prosta sumlenna zrabili svaju pracu — jak zaŭsiody», — zajaviŭ Kručynin.
«Ja nie rablu siužetaŭ, jakija ŭstupajuć u kanflikt z maim sumleńniem», — udakładniŭ jon u kamientarach.