Kiraŭnik Libieralna-demakratyčnaj partyi Rasii Uładzimir Žyrynoŭski padčas zvarotu da moładzi ŭ svoj dzień naradžeńnia vystupiŭ z prapanovaj «pradać» mumiju Uładzimira Lenina.
«U Francyi biznesmien choča pradać karcinu «Džakonda». My mahli b pradać mumiju Lenina. Pakupniki znojducca: Kitaj, Vjetnam ci jaki-niebudź kamunist. Lenin u dobrym stanie, mumifikavali ŭsiaho 96 hadoŭ tamu», — napisaŭ Žyrynoŭski ŭ Tvitary.
Jon ličyć, što biudžet atrymaje za Lenina vielizarnyja hrošy.
Cieła Lenina paśla jaho śmierci ŭ 1924 hodzie było zabalzamavanaje i źmieščanaje ŭ maŭzalej na Krasnaj płoščy ŭ Maskvie, dzie i znachodzicca ciapier. U 90-ja hučali prapanovy pachavać jaho, adnak paśla prychodu da ŭłady Uładzimira Pucina i restaŭracyi savieckich kaštoŭnaściaŭ hetyja hałasy ścichli.
