Alaksandr Łukašenka zapatrabavaŭ padtrymać ludziej i pracoŭnyja kalektyvy, u tym liku ŭ padviedamasnych Upraŭleńniu spravami prezidenta pradpryjemstvach, z ulikam niaprostych umoŭ karanavirusa. Pra heta išła razmova ź Viktaram Šejmanam, piša BIEŁTA.
Jak prainfarmavaŭ Viktar Šejman, usiaho ŭ padparadkavańni kiraŭnika spravami ŭ ciapierašni čas funkcyjanuje kala 110 pradpryjemstvaŭ.
«Heta ludzi, heta pracoŭnyja kalektyvy, heta tysiačy ludziej… Tamu jakaja situacyja, jakija pradpryjemstvy najbolš naściarožvajuć i jakija niehatyŭnyja tendencyi?», — pacikaviŭsia Alaksandr Łukašenka.
Alaksandr Łukašenka vykazaŭ mierkavańnie, što z ulikam kankretnaj situacyi možna i treba padtrymać ludziej, «moža być, paru miesiacaŭ, pakul u śviecie adnovicca ekanomika».
«Heta nie ad nas zaležyć. Dumaju, za paru-trojku miesiacaŭ ekanomika zapracuje i ŭ susiedziaŭ, i ŭ Rasii i hetak dalej, i ludzi pačnuć pieramiaščacca. Ale voś hetyja miesiacy treba, viadoma, padtrymać pracoŭnyja kalektyvy», - zajaviŭ jon.