Zachvorvańnie na COVID-19 pajšło na spad u Minsku, Minskaj i Viciebskaj abłaściach, paviedamiła žurnalistam namieśnica ministra achovy zdaroŭja Alena Bohdan, pieradaje BiełTA.
Fota Nadziei Bužan.
«Rehijony pa-roznamu ŭstupali ŭ hety praces. Pačynałasia ź Viciebska, potym dałučylisia Minsk i Minskaja vobłaść, zatym Bresckaja i praktyčna paralelna ź joj Hrodzienskaja, troški z adstavańniem — Homielskaja vobłaść. Najmienšyja pakazčyki my siońnia bačym u Mahiloŭskaj vobłaści», — skazała Alena Bohdan.
«U maštabach respubliki faktyčna pierachvareli i pajšli na źnižeńnie rehijony, u jakich vialikaja kolkaść nasielnictva, — heta Minsk i Minskaja vobłaść. Plus Viciebskaja vobłaść. Heta značyć faktyčna 40-45% nasielnictva respubliki hety etap prajšli», — adznačyła namieśnica ministra. Z palapšeńniem situacyi ŭ Bresckaj vobłaści možna budzie kazać pra amal 60% nasielnictva krainy. Zaraz hety rehijon znachodzicca na tak zvanym płato. «Jašče niejki čas jana budzie znachodzicca na hetym uzroŭni, potym zachvorvańnie pojdzie ŭniz i niekalki nastupnych tydniaŭ budzie trymacca na ŭzroŭni, jaki na 30%, a moža być, i 50% nižejšy za siońniašni», — adznačyła Alena Bohdan.
